fox-ultrasahlawy
Moderator
 |  موضوع: ..التراس اهلاوى (الرأى والرأى الاخر)  الإثنين مارس 30, 2009 7:16 pm | |
| الالتراس .بين الرأى والرأى الاخر
بسم الله الرحمن الرحيم
فى البدايه يا جماعه احب اقولكم ان ده اول مقال ليا وهعبر فيه عن وجهه نظرى الى انا شايفها !!
التراس اهلاوى .. هل هى مجرد مجموعه تريد التشجيع فقط! ام هى مجموعه التراس تميزت بالتشجيع المستميت والذهاب لأى مباره لتشجيع فريقها ومسانتدته فى كل مبارياته ام هى مجرد شباب فاضى !! مش لاقى حاجه يعملها زى ما بيقول البعض ؟
وجهه نظرى فى الالتراس..
نعم هما شباب ممتازين جدا وبيشجعوا فريقهم بأستماته وظهر هذا الانطباع عند كل الجماهير التى تحضر الى مدرجات الالتراس الاهلاوى
وبيضحوا بكل ما اتوامن مال لعمل لوحات فنيه تدعم الفريق ولرفع اسمهم واسم ناديهم فى اعلى المراتب ؟؟ولاكن ان ظهرت احيانا بعض من المشكال من بعض الناس او حتى مش بتكون مشاكل بس هى طرق فى التشجيع مش بتعجب البعض وخاصه الامن مثل الالعاب الناريه ومنها من اساليب الى اخره.. وان كان الكمال لله وحده فعشان كده بقول ان مفيش مكان بيخلى منه المشاكل واكيد كل حاجه وليها ميزاتها وعيوبها و انا شايف كل الناس الى بتيجى تحضر الماتشات فى مدرج تالته شمال بتقول رأيها فينا سواء كان بالسلب او بالايجاب والحمد لله تقريبا كل الناس بتشيد بينا بس طبعا زى ما قولت ان كل مكان وفيه عيوبه ومش هتكلم مثلا عن الالفاظ الخرجه فى التشجيع لأن دى حاجه موجوده من ايام ما دخلت الكوره مصر ..ولاكن ان حدثت تجاوزات فسرعان ما تهدأ الامور ويرجع شكل التشجيع السليم المتحضر الذى لم نتعود عليه من اى رابطه سوى من التراس اهلاوى مش بقول كده مجامله ولا اى حاجه لا والله ولاكن الدليل المثبت فى مباره الاهلى والزمالك الاخيره الى تقريبا كل المدرج يسأل سؤال واحد اين التراس اهلاوى وطبعا كان حدث قبل هذا اللقاء ظروف كلنا عارفينها بدون الدخول فى تفاصيل .. من جانب اخر :صحيح يمكن كلمه التراس جديده شويه مش على المدرج بس لأ بل على المجتمع ككل فالناس جميعا تسأل يعنى ايه التراس وهل هم فعلا متطرفين ام متحمسين وكثرت المسميات فى الاونه الاخيره بس مع مرور الوقت تعودت الجماهير على هذه الرابطه ورأت من تشجيع ودخلات مكلفه جدا ما هو دافع لجماهير الاهلى جميعا وبدون تردد للدفاع عن التراس اهلاوى فى الحمله الاخيره الموجهه علينا..
_________
وجهه نظرى فى الاعلامى ....... (اظن معروف اسمه)
اول كلمه بيقولها (شويه عيال) !!! ثم يبدأ الموشح المعتاد عن هجوم وسب وقصف علنى على الهواء ضد التراس اهلاوى ؟
ويكرر السب فى حلقه من حلقات برنامجه الى هو عامله عشان يهاجم كل خلق الله !
وكل شويه يقول فين الرابطه المحترمه بتاعت ال afc وانا كنت فخور انى كنت عضو فيها ؟؟؟؟وعندما رد عليه المسؤول الاعلامى للafc فى وجهه ويقول له انت لست عضو فى الرابطه فسكت الاستاذ الفاضل وكاد ان ينفجر!! ..
وانا اقول لك يا استاذى الفاضل مش عشان حضرتك لبست تيشرت ال afc بقيت عضو فى هذه الرابطه .. عموما مش موضعنا بس حبيت اوضح ..ارجع واكمل الكلام والنقد للحمله بتاعت الاستاذ الفاضل ..
يا كابتن انت تسير فى عكس اتجاه الريح ؟ والدليل على ذلك مقالات معظم النقاد الرياضين بخصوص هذه الحمله الموجهه الى التراس اهلاوى
وقام بعض الناس بالدفاع عنا وبعض الناس اخذو هذه الحمله لكشف اشياء كثيره مثل الاستاذ حسن المستكاوى الذى تناول هذه الحمله بكل شفافيه وتألق واخذ ينشر فى البرامج والمقالات فكر الالتراس وفكر الهوليجانز
واخذ الطريق السليم ليوضح الصوره كامله امام جميع الناس المهتمه بالموضوع .
فأقول لك اى الاستاذ انت لست شيخا او اسيس او محاضر بالازهر لكى تقول على شباب انهم كافرين !! الا تعرف يا استاذ ان ليس بعد الكفر ذمب!!
مالك ان تقوم بتكفير مجموعه شباب وانت لا تعرف شيئا ولا تفهم شيئا عن موضوع الالتراس فى العالم ولا تأخذ الا السلبيات ولا تأخذ الايجابيات .
وكل الناس المهتمين بالرياضه فى مصر والنادى الاهلى تجاهولك ووضح كلامك او كذب فى كذب عندما قولت ان بعض الاداريين فى النادى يشجعونك على هذه الحمله واكبر دليل على ذلك لقطه مانويل جوزيه فى لقاء يانج افريكانز
كلمه اخيره اوجهها لك يا استاذى الفاضل وهى كفيله للرد امام حملتك القذره هذه وهى :حسبى الله ونعم الوكيل!!
___________
وجهه نظرى فى مبادره الاعلامى مدحش شلبى..
رغم انه تناول الحمله مؤخرا وخاصا بعد لقاء الاسماعيلى فى الاسماعيليه وكان نقد هدام وصعب جدا على كل الالتراس ; ولاكنه اخد بعد الشده نوعا من اللين والاحترام فى الكلام والذوقيه المعروفه عن الكابتن مدحت شلبى ..
فتناول القضيه فى وجهه نظرى بسلاح اسمه التقويم وليس الذبح فتناول القضيه بكل حياديه وبكل ذوق فأصبح يجلب اعضاء من الالتراس ويستمع اليهم وكان له فضل كبير فى تهدئه الامور غير بعض الناس الى كانوا عاوزين يشعللوها على الاخر .المهم انو حاول تصفيه النفوس من كل الجهات سوءا اهلى واو اسماعيلى ولاكنه الى حد ما نجح ؟؟؟ ولاكن الكراهيه والحب تصبح فى القلب الى الابد فمن يكره شخص بشده فمن الصعب التعود عليه بسرعه وهذا ما كان يريد ان يفعله الكابتن مدحت شلبى وهو تصفيه النفوس . بس فى مباره الاهلى والاسماعيلى لم يوجد اى نوع من التجاوزات بسبب الرغبه الاولى من التراس اهلاوى او يلو دراجونز فى عدم فعل اى مشكال مع الاخر .وكان للأمن دور كبير فى هذا لأنه كان مشدد جدا فى الموضوع ده غير طبعا الامن فى اسماعيليه الذى كان عاجزا على صد اى مشكال ؟؟.. وكلمه اخيره الى الكابتن مدحت اقول له شكرا لك لأنك انسان محترم احيانا اختلف معك ولاكن اختلاف الرأى لا يفسد للود قضيه..
___________________
اما وجه نظرى عن الامن فهو منقسم الى جزئين :الاول هو قبل هذه الحمله والثانى هو بعد هذه الحمله
قبل هذه الحمله القذره كان الامن عادى تماما فى دخول الادوات والبانر وكل حاجه ساعات بيكون فى مشاكل فى دخول الدخلات الى الملعب ولاكن كانت عشان حاجه جديده على الامن وماكنوش فاهمنها وكمان ان الدخلات مابتتعملش فى كل الماتشات . ولاكن التفتيش كان عادى جدا حتى فى النهائيات والمباريات ذات الحضور الجماهيرى الكبير كان الامن طبيعى تماما.
اما بعد هذه الحمله فاصبح الامن متنعنت تمام بدايه من مباره الاهلى والزمالك الاخيره فشاهد الجميع التعنت الامن الغريب مما ادى الى بعض الناس الى الرجوع الى منازلهم بسبب التجاوزات الامنيه الغير مبرره ومن بعدها بدأت المشابكات مع الامن مثلما حدث فى لقاء الاهلى واتحاد الشرطه والتعنت الغريب فى لقاء يانج افريكانز الذى رفض الامن ان يوقم بادخال البانر مع العلم ان نفس الامن ه الذى كان يدخله قبل ذلك ؟؟ سبحان الله الان يقولون ماذا سوف يعملك العلم ده وانت معلقوه حاجه غريبه جدا جدا .
اقول ربنا ينتقم من كل ظالم وحسبى الله ونعم الوكيل
.............
فى النهايه انا عاوز اقول ان الموضوع ده يعبر عن وجهه نظرى فقط وليست وجهه نظر الجروب بأكمله .
ياريت يكون الموضوع عجبكم انا اول مره اكتب حاجه كبيره زى دى وياريت تعجبكم
| |
|
Orton Ultras
Admin
| | موضوع: رد: ..التراس اهلاوى (الرأى والرأى الاخر) الإثنين مارس 30, 2009 7:43 pm | |
| | |
|
omar_ugm
Admin
| | موضوع: رد: ..التراس اهلاوى (الرأى والرأى الاخر) الأحد أبريل 05, 2009 8:18 am | |
| | |
|
desha09
| | موضوع: رد: ..التراس اهلاوى (الرأى والرأى الاخر) الأحد أبريل 12, 2009 2:55 am | |
| | |
|
elmagk V
| | موضوع: رد: ..التراس اهلاوى (الرأى والرأى الاخر) الإثنين نوفمبر 12, 2012 3:01 am | |
| | |
|
